【買椅買咕𠱸】麥明詩靜雞雞搬新竇

麥明詩單身之後，雖然出現過唔少兵，但都係閃迅即逝，有話佢嚟緊打算搬新竇方便開工，一個女仔單拖買椅買家品，嘩！變大力士。

早兩日，壹仔見到麥明詩在宜家，一個女仔行咗成粒鐘，睇完咕𠱸睇家具，結果就買咗兩大袋。其中包括好重手嘅摺椅，唔夠一百磅嘅麥明詩，都好拎得吓嘢喎，俾完錢包好晒，一支箭行去停車場。原來，麥明詩好似好多tvb藝員，為咗開工有多啲時間瞓覺，打算喺公司附近搵多個竇，開劇時就返私竇休息，梗係要入定貨。有錢搬竇，原來佢同馮盈盈主持嘅《後生仔傾吓偈》，收視同反應愈來愈好，本來一星期做兩集，而家要做四集，嚟緊仲要拍劇。咁忙，又冇拖拍，女仔人家梗係要識得錫自己。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...