【High Tea濕平歎下世界先啦】有錢有樣有身材 35歲李彩華唔愁無人要

李彩華上年年初甩拖，至今仍未有新戀情消息傳出，不過35歲嘅佢真係唔憂嫁唔出，話晒個樣keep得住，身材仲正過唔少後生女，更重要係小富婆一名，內地密密賺，得閒就返港歎世界不知幾梳乎。
經歷過王傲山出軌偷食，潘啟翀孭巨債要女友幫手還，兩度遇人不淑嘅李彩華明白靠自己最穩陣，所以喺內地有「賺」無類，廣告、商演、登台、拍戲咩都撈，搵搵埋埋就買磚頭，估計佢中外物業價值億億聲㗎！搵到錢又靚女，更有個拍拖3年嘅何遠恆，點都估唔到最後都係分手收場。
回復單身，李彩華唔急搵第二春，繼續工作搵錢為上，早前更為內地5億鉅製劇集進行拍攝。出國拍外景浸溫泉時，有傳同劇男演員爭住做攝影師幫佢影相，而三點式示人嘅李彩華亦不吝惜大方任影。
難怪唔心急啦，單身貴族自然多人垂涎，享受多一排自由生活，得閒就shopping High Tea先啦，睇定啲都唔遲。
BTW，喺大陸登台要土豪打扮，明喎！但返到香港頂帽有貓耳再紮孖辮，就真係唔太理解喇。可能係長駐內地關係耳濡目染啩，咁使唔使整返首《學貓叫》？
立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...