【中環人語】Sogo感謝祭 細劉老婆最開心

一年兩度Sogo感謝祭，攪到好似暴動咁，要出動藍帽子維持秩序，咁旺場，最開心梗係細劉(劉鑾鴻)個老婆Linda (洪文燕)。今個月初，細劉分身家，宣佈成立 新嘅家族信託，將手頭利福系股份-利福國際(1212)及利福中國(2136)無償贈予 老婆及仔女，市值近80億，做女人收名牌手袋梗唔及收百貨公司咁開心喎！最緊要係揸住利福系股份一路咁升，早前細劉謂利福中國(2136)股價被嚴重低估，於是四月初進行回購，股價喺一個月之間升咗七成。細劉作風同大佬有別，感情生活冇大佬咁精采，使錢都係應使得使，又無話縱壞老婆嘅，老婆Linda以前係 美國航空公司做地勤嘅空姐，都係服侍慣人嘅，樣貌都有番咁上下。利福系只是細劉身家面嗰浸，佢係海外都仲有好多物業發展項目，唔知有冇擺埋入新嘅家族信託呢？有身家分，老婆同一對仔女應該向細劉來個感謝祭，好似Sogo一年兩度咁喇！

撰文：宗菁華



《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...