【你係咪住呢度?】死過2000人 鼠疫區變成依家豪宅區......

上集《香港有路》介紹荷李活道，這個荷李活沒有Leonardo，今集講差館上街，同一道理，差館上街也沒有差館，如果你想告發某人收受五千萬元，相信那位仁兄好希望你去差館上街找差館報案，只要被你搵到，佢投案自首又點話，係咪咁話呀梁生？

百多年前差館上街的確有間八號差館，由於一八九四年該處爆發鼠疫，八號差館先後遷往醫院道及高街，而高街八號差館經歷過拆卸及重建，如今這間「新館」也被列為三級歷史建築，你話講緊幾多年前歷史？目前該館是港島總區刑事總部所在，聽落好似好型，唔知呀，警務處網頁係咁講。

百多年前香港鼠疫殺死二千人，全港三份一人着草避離，可知恐怖。現在差館上街／太平山街一帶豪宅林立，想當年卻是貧民區，也是鼠疫重災區，平房連根拔起，改以港督卜力爵士為名興建卜公花園。如果有朝一日有個梁公花園，輪到我着草。

走出卜公花園，來到四方街，英文名Square Street，意指廣場，但當年師爺以為square無死一定係四方形，故稱四方街。上集係咁講，今集仍是這句話，當年師爺可能叫陳克勤，係架喇，但凡英文出錯都入你數，鬼叫你咁出色咩。

撰文:陳勝藍



《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...