【四千萬嫁妝過門 】37歲阿嬌下周做人妻 老闆楊受成再加碼750萬厚禮

37歲嘅阿嬌，今年一月喺生日party答應男友賴弘國求婚，下星期兩個就喺美國L.A舉行婚禮。近日佢啲好姊妹Yumiko帶住做花女嘅梁浸浸出發，先旅行之後就出席阿嬌婚禮。

終於嫁得出，好多人都戥佢開心，為慶祝佢成為人妻，好姊妹阿SA，送上婚紗，不過講到最大手筆，相信就係笑佢終於搵到件正嘢，當佢女一樣嘅老闆楊受成。

楊生送嘅嫁妝，真係好重手，就係阿嬌一直心儀嘅上海豪宅，一千七百呎，有三房。而呢個樓盤並非楊生公司旗下，照咁睇嚟呢份市值港幣七百五十萬嘅厚禮，係楊生真金白銀買嚟送俾阿嬌。對阿嬌都咁重手，他日佢頭號愛將容祖兒結婚，肯定送嘅嫁妝多兩個零頭！

加埋阿嬌手上持有一個三千幾萬嘅香港磚頭維壹，富婆嬌攞住四千幾萬嘅嫁妝結婚，分分鐘有米過佢老公。

下周美國婚禮，只有一對新人嘅好友出席，之後再返老公嘅老家台灣開party，至於雙方家長唔會現身，因為今年九月佢哋會喺香港補擺婚宴，到時兩家人先會出席。

立即按此連結下載《壹週刊》APP：http://bit.ly/next28app

 

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...