【女星被問價】麥明詩7位數 馮盈盈少4個零 朱智賢：我無咁低價喎！

女藝人被問價好普遍，日前《後生仔傾吓偈》就講呢個話題。主持馮盈盈個價原來少麥明詩4個零，嘉賓朱智賢仲講咗句：「我無咁低價喎！」
是咁的，是次節目以「你最想反擊嘅負評係咩」為題，朱智賢就話被問到幾錢一晚時最想反擊。陸浩明彈出一句：「好多女星都有，好常見啫。」朱智賢即時好激動：「咩好多女星都有？我唔係做開呢啲嘢㗎嘛！」呢個時候馮盈盈搭嘴：「我知你點解咁嬲喇！佢係咪開價太低呀？我試過俾人inbox問我$500過夜得唔得，嬲到我即刻封鎖佢。」現場人人聽完之後都笑到拍抬，而話自己唔係做開呢啲嘢嘅朱智賢，都自爆自己個價無咁低。
價錢高低方面，最令人意想不到嘅係麥明詩，竟然有人inbox佢開500萬！聽到馮盈盈O晒嘴大叫「有無搞錯」，仲話唔明點解啲人讚佢鹹濕，唔讚佢斯文有氣質，又解釋自己本身係個優雅、高貴、親民淑女，為咗同大家有多啲親切感，所以先刻意將自己形象貼地少少。此話一出，全場靜晒。
相關文章：
【男友犯咩死罪？】馮盈盈節目上重提舊事 講到火滾反白眼
http://bit.ly/2RA4OyY

【港姐有鋪除衫癮？】親哥爆麥明詩除剩底橫通屋走 馮盈盈連內褲都唔著
http://bit.ly/2FdFN6U

有冇一腳踏兩船？朱智賢狠撇餐廳東主男友同「巨聲幫」謝東閔撻着
http://bit.ly/2QwikPq