【星級豬BB排隊出世】城城有望打破外父宿命 鄭嘉穎餅印仔成功搶閘｜每日封面

翠如BB同蕭正楠結婚一年就成功造人，趕得切生個豬BB！數下數下，今年娛樂圈又真係好多豬B排住隊出世喎！
鄭嘉穎同陳凱琳嘅B仔Rafael ，就首先喺上個月搶閘出咗世喇！B仔滿月嗰日，兩公婆仲搞party 慶祝，嘉穎仲po 咗BB嘅正面相，眼仔碌碌勁似老豆，好精靈！
接住做媽咪嘅應該係岑麗香喇！同強強結咗婚三年，上年年尾宣布有喜！之前見佢約朋友high tea ，個肚已經籮咁大，BB預計4月出世喇！
上年10月先做老襯嘅陳展鵬，結婚唔夠一個月就宣布就快做埋老豆。
上月個煎pan 同單文柔搞baby shower ，仲公布埋「小豬比」嘅性別，係B女嚟架！
佗住豬BB嘅仲有天王嫂Moka， 同城城結婚兩年，生咗大女Chant 之後，上年又再有喜。第二胎就快出世，不過城城仲未肯宣布性別，唔知佢可唔可以打破四大天王外父相呢個宿命，追返個豬仔呢？
15 年嫁俾圈外男友Philip ，做李家新抱。因為Philip 係屋企獨子，婚後杏兒講明要努力傳宗接代。17 年生咗得意仔Brendan之後，今年一月，杏兒再宣布造人成功，三年抱兩。
仲有已經38歳嘅張美妮，同髪型屋老闆結咗5年，終於都傳出喜訊，預產期係5月。至於佢嘅好姊妹張嘉兒，又喺差唔多時間有咗，仲一齊佗B女，佢哋仲話希望B女第日大個都好似佢哋咁係好朋友喎！
數到豬BB，點少得賭王粒孫呀？今年28 歲嘅何超盈，上年同哈佛出身嘅Thomas 拍拖，仲火速訂婚。超盈而家已經佗住豬BB，仲預計出年會補擺喜酒。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app
相關新聞:【結婚一年話咁快做父母】蕭正楠興奮向密友漏口風 黃翠如佗B兩個月｜每日封面:https://bit.ly/2OkVYkr

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...