【治癒系樂器】唔同旺角大媽鬥大聲 Busking愛好者：不斷loop 感煩厭

阿初在港玩handpan多年，通常都會在灣仔或銅鑼灣busking。出乎意料之外，他從不會去旺角busking。「我唔知道你們會不會去旺角，我無乜特別事情的話，我真係唔會去旺角。」一個土生土長的香港人，竟然怕了自己生活的地方，阿初覺得這是一件十分可悲的事情。「佢地全部都係一set架生，係度鬥大聲，然後玩足八至十個鐘。busking唔應該係咁樣。我地有一個所謂嘅國際規矩，其實我們同一個地方唔會玩超過兩個鐘。你諗諗，就算你玩得幾好聽，附近嘅居民同商家keep住loop你嘅歌，真係會攰。」

遺憾地，香港不是busker的天堂。最多只是大媽的天堂。旺角到處都是放聲高歌的大媽，卻諷刺地容不下幾個真心熱愛音樂的busker，阿初形容自己的busking是在和社會抗衡。「在香港busking有好多法例掣肘，例如最簡單，一個叫簡易程序治罪條例，其實我們在街頭玩任何樂器，我們要和警務處處長申請。第一，我們香港市民不會找到警務處處長；第二，所謂的牌照科並沒有這個表格俾你去填，去拿你所謂嘅牌照。」

阿初曾有一次在港被警察驅趕，警察對他說，「覺得」會有人投訴他，「你覺得有人會投訴我 ，咁依家我覺得街上很多人會打劫、非禮，係咪應該全部都拘捕佢地，趕佢地走呢？我希望他們（警察）把制服脫下後，會思考一下呢個問題。」

香港畸形的地方又豈止於此，阿初目前也有教班，他年紀最少的學生竟然只有六歲。「佢家人話唔係強逼佢，只係想佢學唔同嘅樂器。但小朋友嘅手指都未完全發育，肌肉都未夠發達，手又唔夠長，其實玩唔到呢個樂器。我上堂嘅時候同家長講明，我十分抗拒家長逼小朋友學習， 我可以俾小朋友嘗試一下，但唔中意的話我就唔教了。」最後那個小朋友也發現自己其實並沒太大興趣，所以最後只學了數堂就沒再繼續下去了。

撰文：黃心悅
攝影：王晴

相關連結：

【治癒系樂器】日日跑數到幫何韻詩伴奏 港男：觀眾聽到流眼淚
http://bit.ly/2GcY94I

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...