【地獄黑仔王】 提名七次影后撻Q Sammi : 我承受唔到喇！

當年Sammi因為抑鬱症，令《長恨歌》拍攝進度受阻，最後為咗禰補製作費，Sammi主動提出唔收片酬尾期，關錦鵬每次提起都話：「我要向她致敬！」

「其實阿關咁多年都覺得欠Sammi一個人情，當年一心諗住捧Sammi攞獎，但最後套戲撻Q，今次個劇本三年前已經籌備，由本來四個女人，而家變咗八個女人，女主角就一早定咗係Sammi，其他角色就換咗好多次，之前搵過劉嘉玲、楊冪、馬思純。話就話有八個女人，但其實Sammi佔咗八成戲份，佢有成三十幾組戲，其他角色都可以話係陪襯。」一名幕後工作人員說。

入行以來拍過近三十部電影的Sammi，曾經七次提名金像影后，可惜次次都擦身而過，是史上最多次提名，但又未拎到獎的女主角。00年，拍住劉華接拍杜琪峯的《孤男寡女》，當年贏盡口碑票房，Sammi初次提名金像影后，最後輸俾張曼玉。01年，Sammi一口氣接拍《鍾無艷》、《同居密友》、《瘦身男女》三套電影，最後三套都成功提名金像影后，成為史上第一個女演員一次過有三個提名，不過最終都敵不過前輩張艾嘉。05年，Sammi一改戲路接拍文藝片《長恨歌》，可惜電影無論票房同口碑都撻Q，更令Sammi走上抑鬱，雖然獲金像影后提名，但最終輸俾內地影后周迅，無功而還。12年，Sammi再拍住古天樂合作《高海拔之戀》，又一次提名影后，最終再輸俾宿敵楊千嬅。一向視Sammi為愛將的杜琪峯，13年為她度身訂造劇本《盲探》，加埋劉華出手，最後成功提名，但又遇上神級對手章子怡，繼續同獎座無緣。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub