昔日《雙面伊人》一度成炮灰 黃智雯人格分裂挑戰袁潔瑩

今次黃智雯喺《三個女人一個因》入面，扮演有多重人格嘅角色，絕對充滿挑戰。袁偉豪喺戲入面表演鬼馬，成套戲令人感覺輕輕鬆鬆，唔似以前一有人格分裂嘅戲就一定係sell驚嚇。

好似《陀槍師姐》入面駱達華扮演嘅鮑國平，更被網民列入電視史上最得人驚角色。而N年前由鄭伊健、曹永廉同袁潔瑩主演嘅《雙面伊人》一樣係SELL驚慄。袁潔瑩就扮演有人格分裂嘅林靜，其中一場講佢兩種性格不停交替出現，袁潔瑩表現得非常之好。

《雙面伊人》播出嘅時間，撞正亞視推唔少強勁節目對撼，搞到收視極低成為炮灰。最後要多次調動播放時間，加埋其他劇集嘅助攻，《雙面伊人》去到臨結局篇先有30點以上收視。今次呢套劇擺喺星期日播，如果劇集可以有20點以上收視，已經叫贏㗎啦。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...