【2018狗年運程】易經大師批狗年租樓好過買：建議業主將物業全部賣掉！

近期股市波動，但暫時未見對樓市構成太大影響，而樓市走勢一向落後於股市，假若樓市大跌，是否為入市時機？《壹》仔就找來《易經》研究專家蘇家興批批狗年本港樓市走勢，他直指今年香港內部易出問題，建議將物業放沽！

蘇大師表示：「今年香港有個醜事傳千里之象，即係香港內部容易出問題，去到國際間會評論甚至負評。另外喺交通系統同電子交易系統容易出故障，特別喺節氣三、六、九、十二月。大家如果有做電子交易就有小心啲，公司管理要留意伺服器會唔會出現問題。」

蘇更明言，今年絕對不宜置業，只適宜租樓：「今年主要因《澤雷隨》，上卦係金，下卦係木，整支卦係缺水。加上戊戌年天干、地支都係土，五行嘅水重重被土尅害；加上風水計算，今年紫白卦理，九紫離火入中宮，水就變得好弱。為了救助水，令運氣更強，就要留意，原來置業係屬土的、租樓係屬水，而今年要旺嘅話，就要租樓將物業放沽，就可以將運勢提升。」

他解釋，租樓最少租兩年以上，因為租一年過短，對人的健康無益處、甚至有害：「我就唔會暗示樓市有咩上落，但我只係從《易經》卦象考慮，因為今年擁有物業，唔係對自己有利嘅部署，只係將自己嘅資金鎖死喺不動產上，對整體投資靈活度減弱。」 而不少分析都指北水湧港推升樓市，蘇就指：「今年中國未必有咁多資金能夠來港，所以如果想依賴北水的話，今年可能會有失望情況。」

撰文：梁延宇

攝錄：關永浩

相關連結：
【2018狗年運程】易經專家批狗年北區運勢最差 旺丁旺財要住邊區？
http://bit.ly/2Bq5MFH
【2018狗年運程】犯太歲就唔可以投資？ 麥玲玲：催旺姻緣要咁做！
http://bit.ly/2ElKLhZ
【2018狗年運程】麥玲玲批狗年港股未震完 買咩股票最穩陣？
http://bit.ly/2EW0dhK
【狗年運程●香港命運】楊天命批林鄭犯太歲：市民係要出嚟遊行
http://bit.ly/2DKGQLl
【狗年運程●習總有運】楊天命批特朗普行衰運 催旺財運要做乜？
http://bit.ly/2rPu3S2

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub