【西城秀樹之死】兩度中風堅持開騷 心衰竭病逝

日本偶像西城秀樹，因為心臟衰竭病逝，享年63歲。當年佢同鄉裕美及野口五郎差不多出道，喺日本藝能界成為當紅偶像。一首《羅拉》爆出，之後《YMCA》令佢紅遍亞洲。

已故梅艷芳亦係佢頭號粉絲。當年西城秀樹來港，阿梅以FAN CLUB副會長身份，為佢攪歌迷聚會。到呢位粉絲都成為樂壇偶像，西城秀樹同佢更加成為好友，更一度傳出緋聞。外型俊俏嘅佢，一直堅持單身。直至01年，佢45歲，宣佈封盤，娶細佢十七年嘅粉絲。但03年佢不幸中風，同年與佢感情要好嘅梅艷芳亦病逝。面對中風後遺嘅佢，帶住傷痛為阿梅撰寫悼文。11年佢第二度中風，雖然不良於行，口齒不清，但佢鬥志頑強，仍積極面對發放正能量。去年排除身體萬難開騷，重踏舞台，總算了結心願。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...