【Fashion 嘅嘢你識條鐵咩?】千語BB裸色貼身褲 透視白底底

嘩！嘩！嘩！驟眼睇以為千語BB冇著褲添！

係《壹仔》大驚小怪啫！千語BB呢條其實係潮牌Yeezy 出品嘅新款legging ，盛惠$1000蚊！不過靚唔靚就見人見智喇！

上年千語BB識咗前政協兼富商施子清個孫施伯雄，即刻就唔要好愛好愛佢嘅林峯，搞到峯峯鬼咁hurt!新歡嘅身家可以話深不見底，咁千語BB梗係可以繼續名牌任買啦！

呢日千語BB同助手喺銅鑼灣出現，著住呢條近乎肉色，又薄又貼嘅legging ，襯埋件白色Tee 。前面睇都冇乜破綻，後面望真啲！條白色底褲仔若隱若現，不知幾誘人！不過好彩千語BB副body 夠晒fit咋，呢身造型，真係有少少脂肪都著唔起！唔好掛住睇BB條長腿喇！其實佢孭住個腰包都唔惹少，係Valentino 嘅新款黎架，價值$9800！

千語BB行得咁快趕住去邊呢？原來係去幫襯「茶湯會」，歎返杯珍珠奶茶先。比完錢，千語BB坐喺度等奶茶，三十幾度高溫，BB都有啲唔耐煩。買完野飲，千語BB拿拿臨上車過冷河啦！


立即按此連結下載《壹週刊》APP：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...