【發哥受傷了】送院縫針後照開工 發哥片場出意外頭破血流

正投入拍攝新片《驕陽歲月》的發哥周潤發，日前在片場埋位期間發生意外，劇情是描述發哥被黃德斌追債，繼而被襲擊；但意外發生時，發哥沒有即時叫停，繼續假戲真做，直至完成整場戲的演出！在場工作人員事後驚魂稍定，都忍唔住讚嘆一句：「真心佩服發哥的專業態度！」
當其時發哥用手撳着頭頂，自行步出場景外坐低，至此，大家才驚覺他左邊額側，有兩大條血路緩緩滲出，血流披面，現場氣氛立即變得緊張，各人下意識想湧上前了解他的傷勢，幫佢抹血，而身經百戰的發哥隨即叫大家冷靜，不用擔心，又著人攞清水沖洗傷口，以此了解受傷位置情況；其間，本來在片廠外準備午飯的發嫂，亦接獲通知，見到老公受傷血流披面，她沉著問：「點解搞成咁？」發哥立即連聲安慰説不嚴重，還叫人撥開頭髮，讓發嫂看看傷口。
但由於傷口實在不小，在導演潘耀明、監製黃斌及動作指導李忠志等人力勸之下，發哥才聽從大家的意見決定要去醫院療傷，臨行前，發哥仍不停安慰大家「定啲、唔好驚！」，和導演説：「⋯⋯你先拍呢邊，我縫兩針返嚟繼續⋯⋯」又講「淡淡定，有錢剩！」盡顯其喜劇本色，起到穩定軍心作用。
經檢查後，醫生考慮到傷口有足足一吋幾長，加上片場開工，受細菌感染機會極高，所以必須縫針。一聽見要縫針，發哥即提出：「我仲要返現場繼續拍攝，又要連戲，不要剃頭髮可以嗎？」
在醫生同護士的細心處理之下，只剪了傷口附近最少範圍的頭髮。
最後，頭破血流的發哥縫了五針，之後仲要日日前往醫院消毒兼清洗傷口直至拆缐。在醫院逗留約兩小時後，發哥馬上趕返片場，吃了一餐「late lunch」，又立刻走向鏡頭前繼續埋位拍攝。
立即下載《壹週刊》Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...