【被師父劉松仁捽到盡】王梓軒停工4個月排戲反而有賺

王梓軒向來視劉松仁為師父，他說：「○五、○六年嘅時候，我參與電視劇《華麗轉身》，有一場戲我捉唔實，嗰場戲其實冇松哥份嘅，但佢睇完我哋綵排之後，就捉住我，同我傾偈，帶番我入戲，佢扮演我身邊嘅角色講番件事，當時我滾動到、澎湃到一個點，拍完我真係跪咗喺度，我無晒力。」
之後劉松仁主動提出三年之約，「松哥咁忙，我以為佢只係講吓啫，但原來唔係喎，不足一年佢已經同我講，佢話梓軒，呢幾年會全力做一個音樂劇，叫做《利瑪竇》，我乜嘢工作都唔接，淨係做呢個劇，我想你做男主角，我當然話好啦。」
劉松仁希望他用整整四個月來綵排，王梓軒甘願推掉其他工作，更說：「站喺商業立場，可能會覺得好大損失，但站在一個演員嘅修養嚟講，我無損失。」
他跟創作歌手徐偉賢在劇中飾演好友，徐偉賢近年主要演出舞台劇，之前作品包括陳奕迅《歲月如歌》、鄭秀文《每天愛你少一些》、謝安琪《活著》等
徐偉賢亦指跟劉松仁合作，獲益不少。
「他對每一個演員，對每個演出者都看在眼內，所以我們排戲時，他都會好細心去看我們的戲有甚麼需要調整，他會走到我們身旁，細細聲跟我們分享。他幫我深入角色，演繹時立體很多。」徐偉賢大讚。
王梓軒
髮型：Jimmy Chan @ Hair Culture
服裝：Neil Barrett
徐偉賢
髮型 : Brian Luk@HAiR
立即下載《壹週刊》Apps，隨時隨地睇盡時政專題、深度偵查、娛樂熱話。按此連結：http://bit.ly/next28app
相關新聞：【入行十年的低谷】王梓軒：都會喊，嗰時覺得自己乜嘢都唔係
http://bit.ly/2TXOHgK

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...