【細胞突變】好玩！Gin Lee訪問堅Lee 身材咁好踩入紅館騷咩線？

Gin：我係Gin Lee，今日好開心請到堅Lee嚟到現場做一個訪問，大家都知道阿堅你係好堅，但係我話你知我仲堅，因為我6月23日開紅館演唱會，有啲嘢無得恨！

堅Lee：Hello，Gin Lee你好，恭喜你啦，6月23日可以開演唱會，咁啱嘅，我都係6月23日開喎。

Gin：今日準備咗好多問題問你，首先第一條，呢一刻最想食乜嘢？

堅Lee：呢一刻就超級超級肚餓，又想食意粉，又想食壽司，又想食韓國嘢，又想食⋯⋯乜都想食。又想食菠蘿包，又想食蛋撻，總之我乜都想食，好肚餓呀，我由擒日餓到而家喇！」

Gin：三十歲夢想成真，可以踩入紅館開個人演唱會，Gin最想多謝嘅係邊一個？點解？Sorry，應該係堅。

堅Lee：最想多謝⋯⋯只係得一個人係好難嘅，其實無得只係多謝一個人，因為要多謝好多人，第一刻諗到嘅係爹哋媽咪，因為爹哋媽咪由細到大，無佢哋嘅栽培我都唔會識唱歌，第一個係爹哋媽咪。仲有就係，我諗我要多謝⋯⋯俾多兩個quota我，第一個多謝fans，無fans、無人買飛、無人買碟，我係無機會可以開騷，第三個就係公司，公司幫我入紙申請咗年幾，終於都可以攞到呢個期，同埋呢兩年佢哋都幫咗好多，所以呢三個單位係我最想多謝。

Gin：有冇一定會請嚟做嘉賓嘅歌手呢？

堅Lee：嘉賓方面真係好頭痛，因為有好多人我係好想佢哋參與我嘅第一次紅館演唱會，尤其係一啲我心目中嘅歌者，好仰慕、好欣賞嘅一啲歌手，好想佢哋會嚟到，我都同公司講咗，等公司去幫我安排。

Gin：最後一條，阿堅身材咁堅，個唱上會唔會有好突破嘅性感演出？

堅Lee：身材好呢樣嘢，多謝多謝，其實我覺得自己，性感呢樣嘢係骨子裡，無辦法掩蓋嘅一樣嘢嚟嘅，到時我覺得都會有一part咁樣嘅性感演出，係點樣性感法呢，我暫時未諗到，即係露咩嘢線，或者音樂上會有咩性感演繹，仲度緊，嚟睇就知喇！咁啱我今日都推出咗一隻精選碟，裡面有我由2011年到2013年推出過嘅歌曲精選，就送俾你嘞，到時嚟睇我演唱會嘅時候，就可以識唱一齊唱啦！

Gin：多謝，多謝，多謝晒～我都希望你會背熟啲歌，因為到時我開演唱會你都要一齊唱。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...