購物慾火旺盛 楊洛婷買完女裝買童裝

03年港姐亞軍楊洛婷，14年離開咗大台之後，就無喺公仔箱見到佢。直到日前喺又一城撞見佢一家三口食飯shopping。

生B前fit到漏嘅楊洛婷，呢日就包到冚，而且闊袍大袖鬆泡泡，唔通修身尚未成功，人母仍需努力？梗係唔係啦，楊洛婷生完之後keep住運動做瑜珈嘅，身材好到不得了，反而係話佢生過先至無人信呀！不過事實擺在眼前，同老公推住BB車現身，第一站係搵餐廳醫肚。

食飽之後經過時裝店，仲要做緊新春優惠，楊洛婷二話不說，交低B女俾老公，自己就不停買買買，裝滿一大袋先肯收手。
女人嘅購物慾，有時真係好難撲滅，特別係大時大節，就算唔係買俾自己都無所謂，有得買就得！事關行兩步見到間舖專賣童裝，楊洛婷一樣有買錯無放過，仲要睇完一間，再逛第二間，悶到老公唯有撩囡囡玩打發時間，如果唔係真係等到花兒也謝了都似。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...