【花美男全部變戰狼？】大陸「限娘令」再升級 戴耳環都要被打格

限韓令，限童令，限嘻哈文化，中國廣電局嘅限制令愈黎嚟愈多，近日「限娘令」又再升級。之前「限娘令」主要內容有唔俾男明星染髮，紋身。今次行動升級直程連耳環都唔俾戴啊！
新聖旨到，大陸各大電視台同網媒就已經做野，而家播出嘅節目，所有戴耳環嘅男星耳仔都被打格，情況就同之前限紋身令一樣。
大陸網民都紛紛感到不可置信，話中國文明倒退緊，又話簡直係性別歧視同時限制緊人嘅審美觀。不過網民點反對都好啦，限娘令似乎事在必行。嚟緊中國新年最盛大嘅春晚，表演嘉賓名單中，完全無一班「小鮮肉」上場。
最受影響嘅一定係一班近期喺大陸選秀節目出身嘅明星，事關佢哋10個有9個都又染髮又戴耳環又化晒妝，絕對係主要打擊對象啊！
唔知咁落去，遲下會唔會搞到鹿晗、吳亦凡、TFboys呢啲花美男全部變晒戰狼呢？

立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app