【飲餐茶多咗層樓】蔣怡6月生第二胎收老公豪宅獎勵 霸氣即場開票

當大家仲講緊冇樓揸手結唔到婚，6月生第二胎的名模蔣怡，就收了老公一個豪宅作為獎勵，更開心到狂咀老公！

40歲蔣怡同珠寶設計師翁狄森，由拍拖到結婚，已經相愛18年，但他們仍然很恩愛。翁狄森家族做珠寶生意，亦有自己的珠寶品牌，簡單講即係有米啦！

日前蔣怡去到老公珠寶店所在的置地廣場，同朋友high tea，別以為只是一般闊太活動，其實老公買了個豪宅給她，拎臨時買賣合約給她簽。搞完手續，蔣怡安心歎茶，翁狄森就負責即場開票俾錢，豪呀！

問到是否買樓，蔣怡話：「投資而已。」老公獎勵她再佗b？她笑說：「獎勵又好，講甚麼都好，總之先生送我就收啦！」幸福人妻！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...