【互相Unfollow】同翻版糖妹分手 何浩文： 適應返自己生活！

童顏，可愛，齊陰，都係瀟灑哥-何浩文Dominic一向揀女朋友嘅品味，曾經同糖妹拍拖嘅 Dominic，之後揀嘅空姐女友Candy同前度成個餅印，拍拖冇耐先比人撞破蜜遊台灣，之後趁自己嘅壽司店開張，就順便公開埋戀情，可惜，拍咗兩年拖嘅佢哋，最後都因為聚少離多而分手！我哋當然要搵dominic證實下啦！「係呀，分咗其實二月啦，即係一個月」

Dominic 同candy 拍拖期間真係好大方㗎！為咗比足夠自信心另一半，Dominic仲成日係IG 放閃，確定candy女友地位！做空姐嘅candy 要成日周圍飛，而早兩個月，Dominic 又要長時間留喺內地拍劇，candy 仲曾經冧爆話:「見唔到都係陪住！」又話: 「我等着你回來！」，以為打風都打唔甩，可惜最後都經唔起考驗分手收場，兩個仲要互相取消關注！睇嚟再見不是朋友喎！

「大家一開始就覺得要，想大家俾啲時間俾啲空間俾大家，去適應返自己嘅生活！大家了解咗之後，最後都係決定做返朋友！」 咁你又有冇諗過會復合？「依家唔諗住，因為我覺得我係嗰啲順其自然嘅人，所以我就冇特登話追唔追，想唔會復合，如果大家突然之間有一刻又想走番埋一齊，我都唔會抗拒嘅！」

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...