陪女中環掃貨 何猷龍5保鑣護駕

《少林足球》田雞經典對白：「我秒秒鐘幾十萬上落架嘛！我真係好忙架。」
但對賭王二房嘅何猷龍嚟講，濕碎啦！不過佢真係好忙，忙到陪阿女食雪糕都唔可以坐定定，買完就被5個保鑣護住上車走人。

賭王二房嘅何猷龍，即係新濠國際（200）主席兼行政總裁，今年身家飈升85%至26.5億美元，折合大約207億港紙，繼續蟬聯《福布斯》香港富豪榜最年輕富豪。

呢日佢難得殺落中環，仲有5個保鑣貼身保護，咁大陣仗唔係有大茶飯，只係陪寶貝女何開梓掃減價貨。入到服裝店，兩個保鑣守門口，另外三個貼身護駕，出到店門外仲前二後三、圍成圓形咁傍住老闆過馬路，氣氛勁緊張。期間有個路人擦身而過，見到咁大陣仗望多兩眼，即刻俾保鑣驅趕。條路咁窄仲要俾人趕，難怪路人甲一副怨恨眼神係咁眼超超啦！

有兩個保鑣喺前面開路，但何開梓突然手指指，原來想過對面馬路買雪糕，仲扯住老豆跑，嚇到一眾保鑣追都追唔切，仲惹嚟一眾路人側目添，想唔引人注目都真係好難。

買完雪糕，兩父女想坐低歎下都唔得，除咗何生貴人事忙，而且已經引起途人注意，小心為上，都係走為上著，兩個要人一共出動4部車護送離開。

相關新聞:
女兒冧功一級棒 何猷龍羅秀茵受落心心眼
http://bit.ly/2BOWm6u

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...