【有錢都未必買到】撞到應一應 千嬅Twins杏兒潮戴Balenciaga 帽

Artist 撞衫、撞手袋就見得多，不過⋯⋯呢排撞得最多⋯⋯應該都係呢頂cap 帽喇！

呢頂Balenciaga 嘅cap 帽，已經係2017 年款式，不過班女artists 到而家都仲keep 住戴！好似之前阿嬌同未婚夫出發去台灣，就戴住頂黑色帽，襯埋黑衫加黑褲，夠曬casual!佢好姊妹阿Sa 就有頂白色，一樣去到邊戴到邊。

仲有阿Sa嘅前度William ，都係呢頂cap帽嘅捧場客，黑白兩隻色有齊。內地花旦楊冪、天后楊千嬅、姐仔黃心穎，個個一人一頂。連最近同老公Philip 出發去布吉二人世界嘅杏兒，都係戴住呢頂帽。

呢頂cap 帽香港專門店賣三千蚊，不過長期斷貨，真係有錢都未必買到架！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...