Likes
29
per views
1.7%
Dislikes
1
per views
0.1%
天生嚴重聽障嘅方包，戴住耳機睇演唱會，雖然聽唔到側田唱咩，但係佢感受到，仲話第一次睇演唱會，呢個經驗好難忘，自己差啲喊咗出嚟！壹仔安排同側田配合下，方包終於喺慶功宴上見到偶像，仲可以面對面講嘢添！ 側：方包，我有睇過你嘅片，多謝你！ 方：我多謝你至啱！ 側：Thank you for coming，我哋係咪彈嘢jam嘢？ 方：我畫咗你所有嘅故事。 側：呢啲你畫㗎？ 方：我畫咗一個禮拜，係你十幾年裡面嘅故事。 側：你有埋我結他啲貼紙？佢畫埋我結他啲貼紙喎，你睇吓，你睇吓啲detail，我結他的貼紙，呢啲好過癮喎，多謝你！ 方：我第一次聽演唱會。 側：第一次聽live，你覺得點？合唔合格？ 方：合格，100分。 方：因為我自少聽唔到個音 側：你feel唔feel到嗰個frequency？ 方：我feel到。 側：你有彈結他嘅？ 方：我彈咗半年，因為我學得慢啲，要用好多時間去學彈。 側：我覺得音樂有時間唔使一定要聽到，係feel。 方：我明白，所以我用心去學。你一開始出道我就留意你，留意到而家，因為你真係好聽，我會聽得明。 側：我會做多啲好嘢。 方：我唔係個個都聽到，但唔知點解我可以聽到你，感覺到。 側：我而家好感動。 方：希望你堅持落去，加油。見到方包，側田俾佢感動到眼濕濕！ 側田說：「因為佢同我講，佢feel到我嘅，feel到，唔係聽到，係feel到我嘅音樂，呢樣嘢其實⋯⋯好多人問我其實為乜做音樂，為乜呢？其實真係為咗咁，就係咁已經足夠，就算幾多人都好，總之有一個咁樣話俾我聽，呢件事我已經覺得好神奇，我都唔知講乜，因為我都係自己喺屋企寫吓歌，我無諗過咁樣，但係今次真係好難忘，總之佢就係我嘅原因。」咁方包見完側田，感覺又係點呢？「我覺得無諗過會同佢傾偈，好似發緊夢咁樣，因為無可能會同佢接觸，我啱啱喺演唱會都有喊，眼濕濕，對側田有好多心底話，希望佢收到我嘅心意。」 採訪及策劃：肥A 攝錄：蕭敬漁、林金展 立即按此連結下載《壹週刊》APP：http://bit.ly/next28app 《壹週刊》28周年，無懼風波，堅持敢言，壹直企硬。 2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK 壹週刊 : http://nextplus.hk/ 即 like 壹週刊 fb : http://www.facebook.com/nextmagazinef...
More