【床位價急升】想睇盤？ 要俾30蚊睇床位費

床位因為搶手，現在要睇盤，有業主竟然要向客人收取睇床位費，這是什麼新玩法？

記者日前到深水埗欽州街睇床位租盤， 包公租聲稱此單位三房一廳，但所謂的客廳，目測只有三四十呎，又放置了一張碌架床，包租公指住上格，「就係呢個位啦！」這個堆滿雜物的床位正是包公租口中的「筍盤」。

他狂落嘴頭：「你一定冇租錯，這裏好近南昌站，出入方便，千六蚊包埋水電，買個電飯煲就可以煮食；下格床是女租客，四十歲左右，做酒樓，每晚都好夜先返。」

其後，包租公又說住得愈慘愈易申請公屋，「做戲要做全套，都要租一年，排隊輪候（公屋）都需要時間。政府又唔理你，你住床位又好，住房又好，沒有規定你住房才可以申請公屋，住床位就無得申請。你講得你慘少少，經濟唔好，仲容易申請，你住對面啲高尚住宅，三房一廳，你申請公屋鬼理你咩？所以你慘少少反而容易。」

當記者說要考慮時，包租公瞬間變臉想發惡，「睇唔啱都要畀睇樓費喎，（仲有睇樓費咩？）你阻我時間喎！」他向記者收取三十蚊睇樓費。

採訪：劉名

攝影：王晴

 

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...