【結婚17年｜九成財產歸老婆】吳鎮宇負責湊仔搵銀 愛妻揸1.2億大屋享福

近期大台重播《卡拉屋企》，劇中吳鎮宇和李婉華由鬥氣冤家變成幸福夫婦。雖然現實中，佢哋拍拖八年，最後分手收場，但現已各有美滿家庭。
吳鎮宇話唔想令老婆王麗萍受一點點苦，煮飯、洗碗、賺錢都包喺佢身上。唔使開工，吳鎮宇就負責湊仔。
近日佢帶Feynman去睇戲，入場之前一齊買嘢食。佢好細心，自動幫個仔落調味料，而且對店員有禮貌，識得以身作則。10歲Feynman已經有吳鎮宇膊頭咁高，高咗唔少！
佢以前承諾唔使老婆煮飯、洗碗，真係有做到，14年王麗萍為佢客串《爸爸去哪兒》，當時就話自己係婚後第一次煮飯。
吳鎮宇覺得老婆由新加坡嫁嚟香港，得佢一個親人，所以要更加錫佢。佢哋市值1.2億嘅西貢海景大屋，鎮宇以公司名義購入，公司得佢同老婆有股份，但老婆佔百分之八十八，鎮宇只佔百分之十二。
而老婆自己亦全資擁有一間公司，公司名下有一個市值一千萬嘅商業單位，由於佢婚後專心相夫教子，相信係鎮宇打本畀佢買嘅。差不多九成財產都歸老婆，絕世好老公呀！
雖然揸住經濟大權，但係王麗萍性格非常慳儉，鎮宇送鑽戒畀佢，佢竟然嫌鑽戒太浪費。
02年佢哋喺泰國結婚，喺當地酒店擺咗五圍，連埋親人嘅機票食宿，唔使十萬埋單。老婆用錢精明，難怪鎮宇放心畀佢揸數！
立即下載《壹週刊》Apps，隨時隨地睇盡時政專題、深度偵查、娛樂熱話。按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub