【洗米華飛英國搵Mandy報到】洗米嫂Heidi發感慨短文 其實另有原因

日前洗米嫂Heidi喺個人社交網站post出一篇短文，內容大致提及「喜歡一個人的激情，都會隨時間而消散，無需念念不忘，而留下的都是最真的人。幸福沒有捷徑，只有經營，只靠真心。」

Heidi嘅post令外界立即聯想到洗米華與Mandy Lieu身上，但點解會喺呢個時候發文呢？《壹》仔近日喺機場撞見洗米華落機入境，check返資料，原來佢啱啱喺英國返嚟，即係陪完Mandy Lieu啦，唔通Heidi因此有感而發？

據知情人士透露，其實Heidi發文並非因為洗米華飛英國，畢竟Mandy Lieu世紀拖手已經係2015年嘅事，一早已經放低唔再耿耿於懷。至於Heidi喺呢個時間點上發文，真係純粹啱啱遇著剛剛，實情係Heidi近日同好朋友去完日本旅行滑雪，玩得開心之餘又感恩自己擁有呢啲明白自己嘅真心朋友，所以甫一返港就立即發文，文末更寫明：「感謝我一路走來真心的朋友，致你們。」

或者大家都真係聯想力太豐富，何況細女越大越得意，講嘢又窩心：「媽咪，我日日都想拖住你，我唔想放開你隻手，想起身又拖，瞓覺又拖呀媽咪，I love you。」個女咁冧，其他嘢放埋一邊無謂嘥心力啦！
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app
相關新聞:【新年陪完洗米嫂曬太陽】緊接飛英國搵Mandy過節 洗米華撲到面青唇白 樣都殘
https://bit.ly/2T3EiP5