前年走出小產傷痛 Kary:感恩和Brain 一起勇敢面對

想當年cookies 一班「餅女」入面，Stephy、Kary、Angela 同Miki 感情最好，成日糖黐豆，不過⋯⋯而家就此情不再啦！

事緣Kary 同Miki先後升呢做人妻，原本喺16年2月，Kary 首先造人成功，可惜最終不幸流產，但Kary 一直守住小產秘密。同年11月，Miki 宣布佗B。而Kary 就爆出小產，當時Kary 以為係Miki 出賣 ，就隨即喺ig 取消對Miki 關注，跟手delete 埋兩姊妹過往嘅合照，之後所有餅碎嘅飯局，就開始三缺一喇。之後佢喺ig透露經歷小產嘅心情:「話原本收到一份珍貴嘅禮物，但冇諗過開心嘅時間好短暫......不過傷痛過後我哋好快收拾心情，最感恩係我同Brian都一起勇敢面對，走過最黑暗日子 」， 仲話前年嘅小產，令兩公婆嘅感情更堅固，更珍惜。

唔開心嘅事早已過去同放低，去年底kary 終於得償所償願啦，再一次造人成功，而家個肚籮咁大添啦！ 依家嘅佢開開心心咁，準備迎接BB來臨。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...