【我買唔到飛呀】外傭排隊白信封交收 本地幫寸爆：加2000好合理

黃子華最後一場棟篤笑門票全城熱搶，有人吼準「商機」，出動排隊黨，以白信封交收現金和門票。本刊昨日分別在尖沙咀及灣仔的通利琴行外均有發現「白信封黃牛黨」的蹤影，有本地幫更表示，黃牛黨高於原價出售門票很合理。

昨日在灣仔通利琴行外，有人出動外傭排隊黨，霸佔頭三十位，指示排隊黨以白信封交收門票及現金。本刊目擊一名身穿白色米奇老鼠T恤的男子向排隊黨收集好所有白信封後，再與另外一名男子走進通利琴行對面的咖啡店，隨後再有另外三名男士到場會合，白色T恤男子再把白信封交給其中一名後來到場、戴上口罩的男子。

記者上前查問，男子立刻把白信封收進手提袋，並否認白信封內是門票，「信封入面係私人嘢，我唔係收飛」。對於網民鬧爆黃牛黨令粉絲買不到票，男子稱：「咁係因為佢哋唔願意付出啫，你肯排隊實買到㗎。我支持買黃牛，我願意付出金錢同時間，合理就得，你搵人幫你排隊都要俾錢人飲吓茶。」他更分享自己「買黃牛」之道：「如果我要睇，我會買黃牛，我唔會走去排，靚啲嘅位加一兩千好合理，加幾千呢啲先叫冇良心、離譜。」

撰文：鄭靖而
攝影：時事組

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...