【張達明26年前舊作變新戲】香港依然無變：人工無乜加 樓價升到癲

張達明早年患癌暴瘦，就算現已痊癒，但化療期間金屬中毒，令佢手腳長期麻痺，連筷子都用唔掂。不過，無礙佢自編自導自演新戲《家和萬事驚》。雖然劇本已經係佢26年前創作嘅舞台劇，但估唔到今時今日仲適用，事關香港依然面對緊人工無乜加，樓價升到癲嘅問題。
對於舊作能夠拍成新戲，張達明最多謝吳鎮宇，係因為對方話劇本「得」，套戲先拍得成。除咗工作，鎮宇仲為佢嘅健康出咗好多力，例如帶達明睇醫生，介紹佢俾發哥識，等發哥迫佢去跑步強健返個身體。體魄好咗，張達明更有心有力返大陸上節目宣傳新戲添，雖稱不上中氣十足，但面色唔錯，神情都好精靈！至於一同北上宣傳嘅鎮宇同袁詠儀，節目期間不時互窒，鎮宇仲話影后級嘅靚靚知名度唔夠添，都幾抵死㗎。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...