【係好愛呀！】張玉珊點龍睛high到跳舞 張智霖袁詠儀自拍放閃

琴日，鴨脷洲好熱鬧，話晒係一年一度嘅洪聖爺誕，舞獅、龍舟、飄色乜都有，不過，講到勁，都係龍舟拜廟勁！點勁？張玉珊、張智霖同袁詠儀都嚟，勁唔勁先？先睇獨立個體張玉珊，做咗十幾年義工嘅佢，有自己嘅慈善基金，好多時會去探訪老人院，做好多善事。今日張玉珊竟然現身喺洪聖爺誕，雖然要晨早起身，不過，絕對冇影響佢嘅心情，唔信？嗱，睇吓佢幾開心呀，拍晒手掌打晒拍子咁！拍手掌都未夠，仲要加快個beat，雙手舉起添！佢仲舉晒手扭埋腰，真係好high吓喎！我哋再慢鏡睇多一次，張玉珊真係好開心！咁郁法又咁high，睇唔睇到佢講乜呀，張玉珊話好熱喎！

望吓呢邊嘅連體嬰，梗係講緊chilam同靚靚啦，佢呢pair真係好sweet，平時會孖住去放生，今日就孖住現身鴨脷洲。張玉珊、金利豐金融集團行政總裁朱李月華、靚靚同Chilam玩完自拍，自拍完一次又一次。靚靚諗住幫大家補張合照，點知，老公Chilam即刻出聲叫人幫人影，拉番老婆一齊合照，靚靚梗係冧啦，仲挨晒落老公度添！等咗成朝，最開心嘅時候到喇，就係點龍睛喇，Chilam同靚靚幾開心！點完做咩好，梗係影相啦！臨走前，靚靚同Chilam撞到啱啱打完龍舟鼓嘅側田，靚靚即刻捉住佢要合照。合照完，又叫老公同側田影過另一張合照，原來靚靚眼裡面，唔只淨係見到Chilam，仲見到側田嘅！

相關新聞：

驚見！側田做龍舟鼓手 袁詠儀張智霖野生捕獲合照
http://bit.ly/2DUdbKO

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...