【星級太空艙】25000元空中「移動套房」

自從廉航加入戰團，航空公司面對激烈競爭，再加上有啲唔生性嘅航空公司高層炒燶油搞到要縮皮，員工同顧客都怨聲載道。即使有新加坡政府做後盾嘅新加坡航空公司都唔敢怠慢，新航嘅總經理謝昭暉自言要以quality彈出，甚至粉墨登場做model，帶埋記者上A380嘅頭等客艙「開房」……參觀。

A380 Airbus出名寬敞，飛機製造商唔再生產啦，坐滿客唔容易㗎，於是改裝頭等再升呢，推呢款First class嘅Suite啱曬情侶或夫婦出門短聚輕鬆下，即使係一支公，瞓喺空中嘅太空艙，order番杯香檳或紅酒，望住啲靚女空姐，都幾有fantasy㗎，個Wine List 都唔錯，Dom 2006 同埋Krug 2004 香檳，正所謂紅酒配美人嘛！嘩，咁做新加坡航空公司嘅General Manager謝昭暉咪好筍？問佢次次返星加坡老家係咪坐呢款First Class嘅 Suite呀？佢老哥話：「無啦，我都係坐business class嘅。」空中開房收幾錢先？雙人床加埋兩晚五星级酒店兩皮幾，圍起條數上嚟，香港人住劏房嘅太空艙咪仲乸脷！

 

立即按此連結Download《壹週刊》: https://goo.gl/NVySCK

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...