【高過男友】大台新女神陳詩欣已有著落 露香肩孖男友玩嘉年華

陳詩欣2017年開始入大台做娛樂新聞女主播，大台睇中佢個靚樣，俾機會佢主持《3日2夜》，喺節目入面食蟲加泳衣上陣，令唔少人都認識陳詩欣。
樣靚身材正，一定好多人想知佢有男友未啦。好可惜啊，《壹》仔發現佢已經有著落啦！
呢日《壹》仔喺嘉年華見到佢戰鬥格上陣，同行仲有佢個男朋友仔。著住短裙仔長Boot嘅Eunice，腿長樣靚，好索㗎。本來就生得高嘅Eunice仲高過佢男朋友。
見佢哋兩個逐個攤位都玩，Eunice玩得好開心，反而男朋友就無乜表情，一臉好認真咁玩遊戲，似乎想贏到公仔俾女友。兩個玩咁耐都無乜好親密嘅身體接觸，只係間唔中黐得埋啲。《壹》仔都有一絲懷疑過佢哋係咪純粹朋友關係。但兩個馬上拖住手行，令《壹》仔認清事實啊。玩咗一輪，Eunice仲除埋件褸，露出香肩，連隔離嘅男士都忍唔住望咗佢一眼。知道女神已經有男友，相信一班Fans一定好傷心啊！
立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app