【劏房劏傢俬】悲！配合劏房縮細再縮細 袖珍傢俬奇觀

「泰國廠方問我整傢俬係俾人用，定係玩，佢哋有啲疑惑到底係唔係俾人用。我話係俾香港人用。」Style 50s老板Tommy，六年前開始去泰國找師傅仿造迷你版北歐傢俬，他說近年傢俬愈造愈細，連廠方都好奇那麼細的傢俬怎麼用。

這類傢俬的需求，正反映香港人的「袖珍」劏房盤，「早幾年我哋已經將北歐傢俬濃縮改細，但發覺都應付唔到依家單位嘅呎吋。依家已經唔係細單位，係納米單位，可能百幾呎包廁所、廚房、睡房、客廳。」Tommy惟有將原本的傢俬縮細再縮細，「電視櫃由兩米縮到一米，三座位沙發由一米八，改到兩座位一米二。
我將沙發的手柄會再做窄一點，不做厚的背，把沙發再壓低，讓屋主看起來，視覺空間更大，我們見到牆身時，會再大一點。原木枱好多時都兩米以上，但依張原木枱只有一米，三個人迫埋都勉強可以，我哋香港人都迫慣。」

他說現時樓價不斷破頂，對他所售賣，相對貴價的特色傢俬反而有利，「所有錢都去晒地產商，業主自然喺裝修上慳啲。佢哋就會直接嚟我依度買幾件有特色嘅傢俬，擺喺屋企已經好靚，連搵設計師嘅錢都慳返。」他舉例說一張原木枱、一個小型木的電視櫃，加上一張綠色花紋的特色沙發，一萬元左右，一個有特色的客廳已經成形。

香港的劏房盤不斷，二百多呎的單位索價上千萬，業主惟有節省裝修費，這類的特色傢俬預計將會必多。

撰文：財經組
攝影：財經組

相關連結：
【淘到不是寶】淘寶傢俬三個月發霉玩完 不如去實體店
https://bit.ly/2J47ywB

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...