【奶爸唔易做】Kelly 密密搵錢唔黐家 Alex買外賣餵仔

咦？呢位人兄咁熟面口嘅？佢咪係天后kelly 個絕世好老公Alex 囉！

08年娶咗天后做老婆，Alex 甘心做成功女人背後嘅男人，之後生埋「蝦餃仔」同「小籠包」，Alex 做埋全職奶爸，成日見佢凑仔返學放學，真係唔話得！一向事業心強嘅kelly ，最近有新MV 出，又頻頻接廣告，搞作多多。 好彩有個廿四孝老公，負責睇住頭家，Kelly 一有時間仲可以去shopping 入貨，享受下少奶奶生活。

呢日《壹仔》又見到Alex 一支公去買外賣。 見佢入咗間日本料理，拎住個餐牌喺咁叫，睇黎份量都唔少，應該夠佢同兩個仔食。買完外賣Alex 拿拿臨去攞車，準備返屋企開餐！兩個月前，Kelly 先比人踢爆原來係隱型鋪后，喺中環、尖沙咀一帶狂掃舖位，加上Alex 接手咗老豆嘅製衣生意，家底一樣雄厚，有個富爸爸同富媽媽，「蝦餃仔」同「小籠包」真係生活無憂喇！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...