江若琳委屈爆喊 嚇到主持標屎

由王貽興、劉翁聯手製作嘅ViuTV全新劇集《VR驅魔人》，聽日（26/3）就正式首播喇。呢套新劇搵咗唔少電影名星助陣，包括詹瑞文、葛民輝、錢小豪、劉浩龍、吳浩康、吳耀漢、樓南光等，一早就成為熱話，而其中一個單元更邀得曾獲提名香港電影金像獎最佳女主角的江若琳（Elanne）擔演。

劉翁、貽興同Elanne一向都好老友，所以邀請佢為《VR驅魔人》拍攝宣傳花絮，兩個大人絞盡腦汁，希望喺鏡頭前打破江若琳happy girl嘅形象，比大家見到Elanne嬲嘅樣，達至整蠱效果。起初接受訪問嗰陣不以為然，但兩個主持又話本來唔係搵佢拍，佢只係執三攤，又話佢身材唔夠人哋好等，越傾越有火花，Elanne大爆：「我覺得你哋好冇誠意囉，仲要喺鏡頭面前咁講！」，嬲之餘仲當場爆喊，原來佢一早就知道會被整蠱，所以反客為主，演技大爆發，嚇到佢兩個大男人以為真係玩大咗，更示意Cut機.停拍，唔知點算好，最後Elanne一句：「低能仔！玩你哋咋！」兩個主持先知被玩，原本嚇到表情僵硬嘅劉翁更除低眼鏡抺汗拭眼，仲話：「我嚇到標屎啊！」

影片提供：viuTV

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...