【追返個女都唔錯】45歲李樂詩挺巨肚享家庭日 又有咗佗第4胎？

現年45歲，活躍於90年代嘅歌手李樂詩，2009年至2016年間生咗三個仔，早前見佢現身，凸晒肚咁相當圓碌碌，唔通又有咗？
李樂詩首《無悔愛你一生》，即係電視劇《真情》主題曲「笑聲笑聲滿載溫馨」，曾經紅極一時，相信無乜香港人未聽過。而家身為三子之母嘅佢，已經退下火線多年，只係間中上吓歌唱節目、出席吓公開活動亮亮相。
早前，《壹》仔見到佢兩公婆，帶住兩個識行識走嘅9歲大仔、6歲二仔，一行四人現身過family day，唯獨唔見2歲孻仔。
45歲生完3件化骨龍嚟講，李樂詩個樣其實keep得幾好，無咩點變過，但身材就……雖然一身深沉顏色嘅運動裝束，而且對腳亦好有「線條」、好健美，之但係個肚腩真係相當凸出、十分顯眼，真係好易令人誤會佢又佗B。
其實從李樂詩社交網站睇得出，佢係個熱愛運動，特別係水上運動嘅人，所以先成就到一對健美嘅腳。不過，始終生過三件，尤其係2016年生完孻仔之後，佢個肚一直減唔走、搣唔甩。話晒都係公眾人物，外形好重要，只能夠話母親真係好大犧牲。
之後經過一間店舖，兩個仔想買嘢，李樂詩亦二話不說陪行陪買。望真啲，原來係間運動用品店，小朋友對運動有興趣，買畀佢哋好玩之餘又多啲郁動，好過坐定定玩iPad望住個mon玩遊戲啦。

「壹起出手，撐新聞自由！」
立即免費訂閱《壹週刊》
登記成為壹會員，睇盡獨家內容，會員活動！
http://bit.ly/NextSubscrition30
【逐步教學】立即登記訂閱《壹週刊》！ 免費無阻睇盡全部精彩內容
http://bit.ly/2UWG7hI 

壹週刊 : https://nextplus.nextmedia.com/
即 like 壹週刊 fb : http://www.facebook.com/nextmagazinef...