【心不盲】看透劉華鷹鼻 城城偏矮 盲人面包：批鬥關愛座好無謂

面包天生全失明，但無阻他看世界。他的facebook專頁「面包冇眼睇」拍攝攪笑短片介紹自己的特殊技能，讓一般人了解盲人的生活，「睇唔到係一種缺憾，唔係缺點。睇唔到都可以打破隔膜，我唔會因為睇唔到而唔同其他人接觸㗎嘛。」
 他健步如飛，能自動避開障礙物，反而有很多盯著手機的「明眼人」會盲舂舂的跟他碰撞，「共融咪好似我用緊嘅手提電話咁，同普通人用嘅冇分別。唔使裝特別軟件，已經可以開voice over，將文字變做聲音，呢啲咪共融囉。」他不喜歡被特別看待，「我覺得自己性格與正常人接近、唔覺得有距離，只係界視力差啲，其實好多人都戴眼鏡㗎啦。唔等於我唔知呢個世界發生乜事。」
 娛樂八卦、體育消息、社會時事，他都瞭如指掌，「四大天王郭富城(身高)排第四嘛......係矮仔少少啫。」身高可以量化，但面包怎知周慧敏有幾靚呢？「八、九十年代唔知點解，通常長頭髮都唔會太差。把聲唔好咁惡、講嘢斯文啲。」那麼張栢芝呢？「唔......佢做戲一定好有氣質啦。」
 最近面包炮轟缺德者在殘廁煲煙、甚至長時間gathering，令殘疾人士硬食，引來若干回響；網上批鬥年輕人佔用關愛座，他比任何用家都有資格發表意見，「任何情況之下你都可以坐關愛座，如果有能力，就讓畀有需要嘅人坐。佢坐喺度好人好姐，唔代表冇内在問題。公審係好差勁嘅做法。」
 記者：蔡慧敏
攝影：胡智堅