【《福爾摩師奶》最強Body】撒手鐧搶收視 余德丞動用42吋結實巨胸

余德丞喺《福爾摩師奶》真係好多戲份，昨晚（3月5日）一集，前後加埋幾乎佔咗一節15分鐘，但表現如何真係見仁見智。好在無綫早有安排，Madam Lo做佢阿媽，又有陳瀅同江嘉敏兩小花傍住，幫余德丞孭飛戲份增加返唔少可觀性。
其實，除咗有可靠幫手，余德丞都有吸睛撒手鐧嘅，就係晒出佢副fit到漏嘅body，特別係42吋巨胸，結實有線條，真係好鬼正！不過，套劇係余德丞昏迷入院之前拍落嘅，死過翻生之後巨胸都應該縮咗水，怕且想再睇到咁養眼嘅余德丞，都要俾啲時間佢慢慢操返起至得喇。
話時話，余德丞除衫呢幕，隻狗狗都好搶鏡，睇住佢跑跑跳跳游埋水都幾過癮。不過無知一問，劇情話隻狗根據氣味，聞到余德丞失落嘅物品喺海入面，乜狗個鼻靈到可以分辨水中氣味？
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...