【近七張做第五任爸爸】69歲黃玉郎再婚兼有心有力 細三十年嫩妻佗B三個月

今年69歲嘅黃玉郎結過婚， 風流史亦一籮籮。
早前本刊收到消息，佢喺今年情人節低調再婚，迎娶細佢37年嘅女友阿Cass。
近七張都肯做多次老襯，據知係因為嫩妻已經佗住「黃種」，呢把年紀，黃玉郎唔只追求激情，仲咁有心有力，犀利呀。
兩年前黃玉郎喺卡拉ok，向拍拖幾年嘅Cass求婚，在場見証嘅仲有佢老友黃百鳴。兩年後佢終於找數，仲要不改情聖本色，揀情人節結婚。而阿Cass亦將婚禮用嘅花球相，放喺facebook，留言話:「從此以後」,暗示情人節已經成為黃太。
結得低調，但俾壹仔踢爆後，阿Cass就係fb講咗句:「開心事我倆真不介意。」
日前新婚不久嘅佢哋，一齊去朋友婚宴，有咗嘅黃太阿Cass，已經少少見肚，所以就算去飲嗰日天氣回暖，佢都著住件大褸，再加條頸巾遮遮肚。
對於爆出佢雙喜臨門，日前出席宴會嘅黃玉郎一味合十迴避，冇否認。
數數手指，黃玉郎呢一次，已經係第五任做老竇，。七十年代，佢第一任老婆係漫畫家馬夢妮，兩人離咗婚超過三十年，同馬夢妮育有兩子一女，個個已經三十幾，四十歲咁大。99年同倪詩蓓一齊，04年分手，兩人育有一個患自閉症嘅囝囝阿Royce，依家已經19歲。依家近七張又做老豆，等到小朋友十八歲長大成人，黃玉郎都八十尾近九十歲啦！
雖然依家個老婆細佢三十幾年，但好愛黃玉郎。據知當日阿Cass，係黃玉郎幾個女友之中嘅其中一個，但佢連環殺敵，最後以勝利者姿態坐正做正印。
有指阿Cass家底唔差，屋企係開清潔公司，佢係太子女，經濟上有能力，兩年前答應黃玉郎求婚之後，佢喺fb透露，話一直唔敢向媽媽交代，直至講咗出嚟，媽媽親口話明白，並且祝福佢。
佢有本事將風流嘅黃玉郎完全駕馭，令佢成為對方嘅唯一女人，睇嚟呢位嫩妻，好有辦法！
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app
相關新聞：【最愛父女戀？】黃玉郎拍過16歲初熟黎姿 最誇張一次足足大女友34年　http://bit.ly/2T9TpYq

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...