【女調酒師】要溫柔咁介紹每隻酒 客人：你整咩都鍾意飲

「Bartender」在十九世紀初，原本是指守護酒吧的保鑣，因為酒醉的客人經常趁老闆不為意，偷喝酒樽裡的酒。至二十世紀，雞尾酒才興起，「bartender」就逐漸演變成為調酒師。

香港女生Natalie幾年前放棄全職教席，不但跳出教育界，還加入了夜生活行列，成為了生活日夜顛倒的調酒師，「我好想去working holiday，就想搵吓啲實際手作嘅行業，做可以去到全世界都做到嘅工作。」令自己的生活有了翻天覆地的變化，甚至不惜「減人工」，原來全為一嘗工作假期的滋味。

老師和調酒師都是「師」，但是工作性質風馬牛不相及，Natalie卻一入行就迷上了這個行業，四年來，每日腦海中也是各式各樣的雞尾酒和基酒，「啱啱入行嗰陣因為好新穎，所有嘢都想學。每日除咗要記公司本身嘅產品之外，仲要學埋其他酒嘅歷史，自己想學多啲，收工喺度睇書，返工之前搭車又會睇書。」

在英國兩年的工作假期，Natalie也是在酒吧中工作，她發現調酒師這個職業，遠遠比她想像中還要複雜，「一支酒嘅歷史其實會因為政治因素而改變，因為有戰爭，有戰亂，會令到嗰個酒味道改變，同埋佢哋嘅公司亦會變咗。跟住你就會發覺，原來我要識地理、我要識西史、戰爭歷史，先至可以更加多故事可以話俾啲客人知，而客人都好樂意去聽。」

所以Natalie說，要當一個專業的調酒師，除了要有調酒知識，還要「talk得」，「政治嘅嘢，每一日發生緊嘅事，或者美國總統大選、脫歐呢啲事情，你唔想知係你嘅事，但係你工作或者你對客嘅時候，你一定要知，因為每一日每一個人都喺度傾緊一啲國家大事，或者新聞上講緊嘅嘢，你唔去睇你就會冇偈傾。」

回到香港後，擁有教育學位的Natalie沒有重拾故業，而是選擇了繼續做每晚趕巴士的灰姑娘。「每一份工都有佢嘅好處同唔好處，做調酒師開心嘅地方就係對客人，有得飲酒，同埋成個環境都係fun嘅，每個人都係嚟尋開心。唔好嘅地方就係夜晚好難返屋企，我又住得特別遠，就算有巴士返到屋企，可能班次都好疏。但係調返轉頭諗，又唔係好多人搭巴士，冇人同你迫。」每日「午四朝三」，Natalie仍然自得其樂。

香港酒吧夜場林立，而調酒師始終以男性居多。「喺香港同外國做酒吧有一樣難處，就係佢哋普遍會覺得，女性對cocktail或者對酒嘅認識比較低。客人會問我：『可唔可以問個bartender叫佢整呢杯，或者類似嘅cocktail俾我？』佢哋覺得bartender應該係一個男性嚟嘅。」而最後下單甚至調酒的，其實可能也是Natalie這位「不專業」的女調酒師，「所以好多時候我哋女性bartender，會好溫柔地講一啲關於酒嘅知識，令到佢哋覺得，原來你識嘢㗎喎，我信你啦！」

攝影：傅俊偉
剪接：傅俊偉
撰文：劉卓瑩
場地提供：The Old Man

立即按此連結下載《壹週刊》APP：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...