【金山社團】大佬上位靠女人 馬騮被淋漒水淪弱勢社群

猴在江湖，身不由己。近年金山的話事猴是「骷髏頭」。大佬出巡，馬騮仔即時退避三舍，不敢偷食。然而大佬是怎樣煉成的？餵猴逾三十年的蔡慶熊視牠們為古惑仔：「做大佬至緊要打得。由細細隻開始就周圍撩交打，一味要夠狼。打得多、出到位，咪有地位囉。」勝者為王，也得由女人定奪，「大大隻嗰啲，啲乸認為佢有型，就讓牠跟阿頭對打。打贏咗，就取而代之。由乸決定的。」

 

馬騮王對落還有天文台、打仔等職級。多年前，有隻叫「張飛」的打仔，位列社團第二、三把交椅。某日，馬騮們齊齊過馬路，遇上貨車高速下山。幼兒走避不及，張飛身手敏捷，轉身把孩子撥回路邊，自己卻成為輪下亡魂。「漁護署來到都執唔到骨了，俾啲兄弟執咗返去。」去哪兒？「不知道。應該不會火化吧。」

 

馬騮群中有手腕被齊口切斷的、也有被淋漒水導致爛面的，「有啲連眼都冇埋。」野獸怎及人類最可怕？「嗰啲人心理唔正常。對待弱者應該有愛心。」馬騮有人性，當然也承襲了人類的劣根性，「馬騮好似女人，小器、歧視、刻薄、記仇。」傷殘馬騮淪為弱勢社群，唯有等蔡慶熊來接濟，「你弱就被人恰啦。有得食又搶唔到，除非有大佬睇住你。總之就淒涼。」

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...