危險！余文樂chok 住拍片 單手揸車違法

一向愛車如命嘅余文樂，成日喺ig 曬車相。13年，樂仔就試過唔小心，上載咗一張抱住B揸車相，即刻比網友炮轟，話佢觸犯法例。事後樂仔恐惹官非，拿拿臨delete 相片。

事隔五年樂仔又再犯禁，今日喺ig 上載短片。片段中樂仔正在揸車，但從鏡中倒影，清晰見到佢單手揸住軚盤，一手拎住電話拍片。跟據香港交通法例，無論駕駛自動波或棍波，行車時一定要雙手緊握軚盤，否則就有可能觸犯不小心駕駛罪。另外，在行車時以手持方式使用流動電話，即屬違法。

所以《壹仔》奉勸樂仔，下次都係停低車先用電話，尤其老婆而家有大有細，小心駕駛呀！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...