【跟進生意●成本重】菜又加肉又加 狗糧提價兩成

因「愛兒」心切而創立Healthy Little Paws 腳板仔，全心全意售賣獨創狗仔鮮食磚的阮詠珊（Stella），指目前生意額已比半年前翻了兩至三倍；由月售六千件鮮食磚至一萬五千件，成績不俗。Stella指自己雖較幸運沒被加租，但荷包卻傷在菜及肉的開支上。「菜加咗不足兩成價，肉就加咗兩至三次，幾種肉如雞牛豬等等，平均每一款肉每次都加一至一成半價。」一直以推廣價十八元售賣，希望定價接近優質罐頭的五款鮮食磚，也迫不得以要提價兩成至二十二元。「產品毛利大跌，但產量升又要加人手例如多咗三個全職人工，唔加價真係頂唔順。」

「寵物個市場仲有空間比更多人加入，可以一齊做好件事，但有啲公司搬字過紙，成份同傳單字眼所有嘢都跟到足。」雖然如此，Stella仍然樂觀地分享:「我首創嘅磚形質感係未有人抄照到嘅，話晒都閉關研究咗幾個月時間。」在內憂外患之下，Stella已邀請了獸醫以顧問形式加入「腳板仔」，以進一步鞏固市場地位。

撰文／攝錄：財經組

相關連結：
【跟進生意●做到灰心】無地放車 「愈搵愈貴 愈貴愈細」
http://bit.ly/2GbGsn3

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...