【超人♥凱旋拖手仔】獨家曝光！退休李嘉誠周凱旋中環拍拖 「老闆娘」出巡晒料放閃

十指緊扣拍拖，李嘉誠同周凱旋好sweet喎！邊個話黃昏之戀一定平平淡淡㗎，佢哋咪同啲後生仔一樣咁當街放閃！

退休一身輕，其實在正式宣佈退休之前，本刊已拍攝到李嘉誠心情已經好輕鬆，跟周凱旋在中環拍拖。話晒身份特別，二人世界就冇喇，拍拖都有幾個保鏢傍實。

但他們當街當巷都冇避忌，全程十指緊扣。周凱旋搞電話嗰陣甩咗手，之後都即刻拖番誠誠，真係拖少陣都唔得呀！見誠誠心急行去上車，仲即刻扶一扶他，夠晒細心。又主動俾五百蚊貼士個保安，呢啲咪老闆娘氣場囉！話時話，周凱旋真係有料到，你睇佢着causal wear都幾有「線條」就知啦！

她93年認識誠誠，25年來一直咁sweet。她中學就讀拔萃女書院，曾經於港台做實習DJ，跟林珊珊同期，之後去了澳洲讀大學。不過人生轉捩點，一定是遇上誠誠喇！

他們拍拖的足跡遍佈大半個地球，誠誠好多時帶同她去外地傾生意，06年壹仔就直撃過兩人去羅馬拍拖。

她更是李嘉誠基金會的執行董事，近年同誠誠會孖住出席基金會活動，地位有幾重要？好明顯啦！

採訪、攝影：娛樂組

相關新聞:

李嘉誠坐遊艇過海dinner：唔使塞車呀！
http://bit.ly/2HI4qWy

誠哥勸從良 大富豪張子強纏炸彈奪10億
http://bit.ly/2FZDkgs

商場傳奇68年 誠哥鬼馬冧掂西人搶訂單
http://bit.ly/2GGU5Lm

讚揚習近平打貪成功 李嘉誠：同中央關係幾好
http://bit.ly/2FRiIDM

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...