【結婚一年話咁快做父母】蕭正楠興奮向密友漏口風 黃翠如佗B兩個月｜每日封面

恭喜！恭喜！翠如BB有喜喇！
結婚啱啱一年，翠如BB同肅正楠話咁快傳出喜訊！
有傳翠如BB啱啱有咗兩個月，趕得切喺今年年尾生返個豬BB。
呢日見到有咗嘅翠如，開始見肚嘞！依家仲要開工，真係要小心喎。上年12月，Edwin 先喺大台頒獎禮度宣布已經秘婚，仲公開多謝蕭太！婚後蕭生蕭太一直唔設防，順其自然等生BB喎！
結婚先啱啱一年，Edwin 話咁快就做老豆，佢嘅功能果然好function 。
第一次做老豆，Edwin 不知幾興奮，呢排仲向身邊密友漏口風，話屋企有喜事，不過未公布得住。
至於啱啱有咗B嘅翠如，就未有得休息喇！手上仲拍緊電視劇《致所愛過的人》，而家日日趕工。咁啱得咁橋！喺新劇裡翠如BB又係做大肚婆，今次真係假戲真做。雖然有餡未夠三個月，翠如BB都有同監製交代。據知，而家劇組都有少部分工作人員已經知道喜訊，開工嗰陣都就住就住，有啲大動作都避免叫佢做。見到有記者喺現場，工作人員亦自動波，用個身擋一擋視線，幫翠如個肚避鏡頭。
雖然仲未好覺有肚，但呢排翠如BB都好小心，著長䄛遮住個肚。連post 相上ig ,都刻意用手袋遮一遮！呢日見佢一唔洗埋位，都冇乜點郁動，剩係匿喺車同已經做咗人阿媽嘅Yoyo 雞啄唔斷，唔知係咪請教定湊B經呢？
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app
相關新聞:【星級豬BB排隊出世】城城有望打破外父宿命 鄭嘉穎餅印仔成功搶閘｜每日封面:https://bit.ly/2Om6b0j

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...