【八卦陣】打波斷靭帶捱大手術 李華明變「李三腳」

常言「年紀大機器壞」，民主黨李華明早排喺白鴿黨週年籌款晚宴當中變了「三隻腳」，幾乎全晚都篤住支拐杖，行得比較慢，就連上台唱歌都有點吃力。《壹》仔當然問到肥仔明，為乜事搞到咁傷。

肥仔明話說佢幾個月前有次打籃球時，一個唔小心整斷咗腳跟靭帶，搞到好嚴重，「全身麻醉、住五日醫院，四寸傷口」雖則無傷到骨不用上螺絲，但係手術過程都唔簡單，「劏開、駁完筋，縫返針咁囉」，手術後仲有一段時間要坐輪椅，「𠵱家已經好好多啦，再多一個月後我諗完全可以行，即唔駛要呢個（拐杖）啦。」肥仔明一邊講，一邊不忘再自抽：「林太（捐錢）見我傷殘人士，同情吓我，又識咗我咁多年啦。」

雖然肥仔明篤住拐杖，睇落有點行動唔係太方便，但《壹》仔仍然見佢滿場走，由酒會開始迎賓到散席送客都冇停過，加上佢唱嘅一曲《笑看風雲》，成就在任特首向白鴿黨獻出「第一次」，數起嚟佢可謂係今年白鴿黨撲水成績好過預期的功臣之一。

撰文：巫不言

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...