屢被批評 欣宜接受自己:我為自己而活!

因為任性，因為有機會創新，她才可以在娛樂圈行不一般的路，完成她的夢想。

「我覺得要去到某一個境況，肯面對自己，承認自己就算瘦了，都不會係一個典型靚女，能夠徹底接受自己，即係就算我瘦咗，我個鼻都係插蘇鼻，皮膚依然係黃色，唔係白雪雪，亦唔會無啦啦有一對四十幾吋長腿…⋯當我接受自己永遠唔會變成好斯文、好嬌嗲嘅女人，我就好好多。記得初入行，不斷有好多敬佩嘅人同我講，叫我要減肥，總之要執執佢，我明白佢哋出發點，佢哋係真心想我事業好，因為之前冇我類似嘅case，最容易就係跟保守方法去做，我明佢哋點解會咁，當時好似要達成一個唔真實嘅目標。」她說。

欣宜說手術後馬上投入籌備紅館第一次，家人提議她休息停工，力勸她入紙改期。有着香港歌手的紅館夢情意結，自然沒有遵從，因她明白努力不等於機會。

以前那種單打獨鬥的感覺，她說又突然出現：「嗰段時間雖然好短，因為好快已經遇到第一間唱片公司老闆何（哲圖）先生，再之後又遇到蕭定一先生，就算之前嘅陳太（母親好友陳淑芬），雖然佢會同我講一啲激勵性說話，但我感覺到佢真係想我好，佢知道我嘅性格，可能需要咁樣先push到我。我覺得做藝人，最緊要能夠聽真話，因為如果有一日唔能夠接受真話，就開始退步，我好感謝呢幾個人，佢哋喺我入行十年，包括拍劇嘅時間，俾我好大支持，因為佢哋，先有今日嘅我。」

這些年，沒有屋企人在身邊，她為自己事業打拼並作了不少決定，她覺得重要是對得起自己，活得精采。

「其實選擇乜嘢都好，都一定有得有失，但能夠將最鍾意嘅嘢作為職業係最開心，每份工都有壓力，我揀呢條路係正確，雖然真係來得不易，但只要入到錄音室，或者企上舞台，所有嘢都覺得係值得，所以會繼續加油。」她說。

相關新聞:

屢被批評 欣宜接受自己:我為自己而活!
http://bit.ly/2F8VpZX

欣宜戀愛大過天 許廷鏗是天使
http://bit.ly/2oLKM4c

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...