【細仔唔再似鄭則士】陳慧琳老公帶兩個仔陪老婆開工

Kelly細仔小籠包細個好似鄭則士，仲俾人叫Kent哥。早兩日，佢喺數碼港拍MV，老公Alex帶兩個仔探班，好黐媽咪嘅小籠包已經冇晒baby fat，一啲都唔似鄭則士。

Kelly喺數碼港開工，咁啱喺週末，兩個仔都放假，老公就帶佢哋去探媽咪班，得閒更會揸機影吓三母子，好幸福。成個下晝乖乖坐喺度陪媽咪開工嘅小籠包，今年已經五歲。當年連Kelly都話佢似足鄭則士，忍唔住叫佢「Kent哥」，依家已經脫肥，唔同晒樣，一樣咁可愛。

大哥蛟餃仔仲型，Kelly話佢雖然有啲怕醜。但嗰樣似足男神宋仲基細個，兩個仔各有型格，唔怪得有人搵Kelly母子上陣拍廣告，不過佢話拍廣告分分鐘辛苦過唱歌，所以no 咗嘞。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...