【好愛好愛到喺男友家鄉紮根開舖】隨時嫁細6年王子 35歲Stephy：結婚會即興

相關新聞 :【真係好愛啊！】Stephy花式放閃 與王子姊弟戀砌低小方十年情http://bit.ly/2EYeCwH
另外新聞:【過億豪宅未到手】前夫劉坤銘住愛都屬阿媽名下 羅霖攬仔自食其力 ://bit.ly/2CJoMiJ
鄧麗欣同拍拖10年嘅方力申甩拖後，今年被踢爆同細佢6年嘅棒棒堂成員之一嘅「王子」邱勝翊撻著，雖然好多人都唔睇好「鄧王姊弟戀」，但係當事人一於好少理，一反常態愛得超高調！
Stephy同王子拍拖未夠1年，大家各有各忙，雖然好多時分隔兩地，但無阻佢哋見面，周不時互飛去對方身處地見面，好sweet！
Stephy話佢同王子拍拖到而家未試過鬧交，仲話：「我份人比較追求自然，喺邊度結婚唔係重點，可以即興嘅，突然間諗到就去登記都得！」講到出口，睇嚟佢哋閃婚嘅機會都好高吓喎！
為咗有多啲時間留喺台灣，一向數口好醒嘅Stephy，最近同兩個當地嘅朋友，夾份開咗間台式飲品店，旗艦店選址喺台北信義區！
喺男友家鄉開店，Stephy飛台北嘅次數密咗好多，同男友見面次數大增，不知幾好。
女友喺自己地頭開舖，王子唔只喺網上幫女友賣廣告，更親先落舖擺晒pose
試飲，開張當日，雖然人嚟唔到，但都記得送個花籃賀女友，夠晒細心，唔怪得搞到Stephy咁冧佢啦！
聽Stephy身邊人講，開完台北店後，今年計劃喺香港、星、馬及內地開店，之前已經喺香港擺過pop up store試水溫。
除咗台式飲品店外，本身各自有自家品牌嘅王子同Stephy，亦有計劃cross over，到時有錢齊齊搵，感情再昇華！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...