【好有孝心】鄭伊健同阮小儀撐完枱腳即陪父母食飯 氹到兩老笑騎騎

鄭伊健演唱會進行得如火如荼，個個都話睇完之後好感慨，又再回味舊時嘅青蔥歲月，網絡更洗晒版！的確，小朋友時聽《數碼暴龍》主題曲，大個後睇《古惑仔》、《風雲》系列，係好多人嘅集體回憶，難怪演唱會現場氣氛high到爆，連黃心穎都話：「high到打爆咗幾支棒！」黃心穎仲post出二人6年前合作《度身訂造旅行團》時嘅相，睇落好青蔥，好令人回味。
去睇伊健騷，順便回味過往同佢合作時光嘅，據知仲有《古惑仔3之隻手遮天》時嘅死對頭「烏鴉」張耀揚，伊健更加邊唱邊伸出手同張耀揚握手添。
人人都咁捧場，事關伊健份人真係好夠朋友！好似黎諾懿未上位捱緊騾仔時，伊健就幫過好多，唔單只向相熟導演介紹黎諾懿拍戲，更將自己著過一次就無機會再著嘅衫，叫黎諾懿睇吓啱唔啱，啱就拎走。佢仲好體貼咁同黎諾懿講：「啲衫剩係喺大陸著過，你喺香港著人哋唔覺嘅。」

對朋友都咁貼心，何況父母呢。早前《壹》仔喺西貢見到伊健一行人入餐廳，之後阮小儀加入，更坐喺伊健身邊。睇睇吓，二人似乎係邊食邊做節目喎。工作完成之後，小儀以及工作人員率先離去，伊健就繼續留喺餐廳，因為佢要等埋頭髮花白嘅父母，陪佢哋食晚餐。
啱啱先食完嘅伊健，隨意夾啲餸食少少，主要都係坐定定陪兩老傾偈，而且氹到兩老不知幾開心，傾到手舞足蹈笑騎騎咁。
綜合多方而言，只能夠話，鄭伊健真心無得頂！
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...